Genesis 49:1 ὰ ιακωβ δε μουϯ ὲνεϥϣηρι ουοϩ πεϫαϥ ϫε θωουϯ `νταταμωτεν ϫε ου εθναι ὲϧουν ὲ`ϧρεν θηνου ὲ`πϧαὲ `ννιὲϩοου.
Genesis 49:2 θωουϯ ουοϩ ςωτεμ `ννεϣηρι `νιακωβ ςωτεμ ὲπιςραηλ πετενιωτ.
Genesis 49:3 ρουβην παϣορπ `μμιςι `νθοκ πε ταϫομ νεμ `τὰπαρχη `ντε ναϣηρι ουοϩ ακὶ ὲϧουν ϧεν ουενϣοτ εκναϣτ `ναυθαδης.
Genesis 49:4 ακϣωϣ `μ`φρηϯ `νουμωου εϥβερβερ ακϣενακ γαρ ὲ`πϣωι ὲϫεν `φμανενκοτ `μπεκιωτ τοτε ακςωϥ `μπι`φρηϣ πιμα ὲτακϣενακ ὲ`πϣωι ϩαροϥ.
Genesis 49:5 ςυμεων νεμ λευι νι`ςνηου αυϫωκ `νουμετϭινϫονς ὲβολ ϧεν πουουωϣ .
Genesis 49:6 `ννε ταψυχη ϯμαϯ ὲ`ϧρηι ὲϫεν πουςοϭνι ουοϩ `ν`ϧρηι ὲϫεν πουϫινθωουϯ `ννουϯμαϯ `νϫε να`ϭλωτ ϫε `ν`ϧρηι ϧεν που`μβον αυϧωτεβ `νϩανρωμι ουοϩ `ν`ϧρηι ϧεν τουὲπιθυμαι αυβελ `νενκοβϩ `ντε ουμαςι.
Genesis 49:7 `ϥςϩουορτ `νϫε που`μβον ϫε ουαθαδης πε νεμ που`ϧμομ `νϩητ ϫε αϥ`νϣοτ ειὲφαϣου ϧεν ιακωβ ουοϩ ειὲϫορου ὲβολ ϧεν πιςραηλ.
Genesis 49:8 ιουδας ευὲ`ςμου ὲροκ `νϫε νεκ`ςνηου νεκϫιϫ ευὲϣωπι ϩιϫεν `τϭιςι `ντε νεκϫαϫι ευὲουωϣτ `μμοκ `νϫε νενϣηρι `μπεκιωτ.
Genesis 49:9 ουμας `μμουὶ πε ιουδας ὲβολ ϧεν ουλαϧεμ εϥφορι ὲβολ παϣηρι ακὶ ὲ`πϣωι ὲτακρωτεβ ακενκοτ `μ`φρηϯ `νουμουὶ νεμ `μ`φρηϯ `νουμας `μμουὶ νιμ εθναϣτουνοςϥ.
Genesis 49:10 `ννε αρχων μουνκ ὲβολ ϧεν ιουδας ουδε ϩηγουμενος ὲβολ ϧεν νεϥὰλωϫ ϣατεϥὶ `νϫε φη ὲτεςχη ναϥ ουοϩ `νθοϥ πε ὲτε ϩανεθνος ϫουϣτ ὲβολ ϧαϫωϥ.
Genesis 49:11 εϥὲμουρ `μπεϥςηϫ ϧατεν ουβω `νὰλολι ουοϩ `πςηϫ `ντε τεϥὲ`ω ὲπιελιξ εϥερωϧτ `ντεϥ`ςτολη ϧεν `πηρπ ουοϩ πεϥερϣων ϧεν ου`ςνοϥ `νὰλολι.
Genesis 49:12 νεϥβαλ ςεραϣι ὲβολ ϧεν `πηρπ ουοϩ νεϥϫαϩι ςεουοβϣ ὲϩοτε ουερωϯ.
Genesis 49:13 ζαβουλων εϥὲϣωπι εςκεν `φιομ ουοϩ `νθοϥ ϧατεν τεμβρω `ντε ϩανεϫηου ουοϩ εϥὲςωουτεν ϣα ὲ`ϩρηι ὲςιδων .
Genesis 49:14 ιςαχαρ πιπεθνανεϥ αϥερεπιθυμιν ὲροϥ εϥμοτεν `μμοϥ ουτε νι`κληρος.
Genesis 49:15 ουοϩ αϥναυ ὲπι`μτον ϫε νανεϥ ουοϩ ϫε πικαϩι ϫε `ϥκενιωουτ αϥϩι τεϥναϩβι ὲϧουν ὲϣεπ`μκαϩ ουοϩ αϥϣωπι `νουρωμι `νουωὶ.
Genesis 49:16 δαν εϥὲϯϩαπ ὲπεϥλαος `μ`φρηϯ `νουφυλη ϧεν πιςραηλ.
Genesis 49:17 ουοϩ εϥὲϣωπι `νϫε δαν `νουϩοϥ ϩι ουμωιτ εϥϩεμςι ϩι ουμα`μμοϣι εϥϭιλαπςι ϩι `νθιβς `νου`ϩθο ουοϩ εϥὲϩει ὲφαϩου `νϫε πιϭαςι`ϩθο.
Genesis 49:18 εϥϫουϣτ ϧατεν πινοϩεμ `ντε `πϭοις
Genesis 49:19 γαδ ουμανϭωντ εϥὲϭοντϥ `νθοϥ εϥὲϭοντου ϧεν νουϭαλαυϫ.
Genesis 49:20 αςςηρ πεϥωικ `κενιωουτ ουοϩ `νθοϥ εϥὲϯ `ϧρε `νϩανὰρχων .
Genesis 49:21 νεφθαλιμ ουλαϧεμ εϥφορι ὲβολ εϥϯ `νουμετςαιε ϧεν πιουταϩ.
Genesis 49:22 πιϣηρι ὲταϥαιαι ιωςηφ πιϣηρι ὲταϥαιαι παχοϩ `νϣηρι `μβερι κοτκ ὲροι.
Genesis 49:23 φη εναυςοϭνι ϧαροϥ ευϩωουϣ ὲροϥ ουοϩ ευ`μβον ὲροϥ `νϫε ϩανϭοις `ντε ϩανφιϯ .
Genesis 49:24 ουοϩ αυϧομϧεμ ϧεν ουὰμαϩι `νϫε νουφιϯ ουοϩ αυβωλ ὲβολ `νϫε νενμοϯ `ννιϣωβϣ `ντε νουϭναυϩ εθβε `τϫιϫ `ντε πετϫωρι ιακωβ ὲβολ `μμαυ φη ὲταϥϯνομϯ `μπιςραηλ ὲβολ ϩιτεν `φνουϯ `μπεκιωτ.
Genesis 49:25 ουοϩ αϥερβοηθιν ὲροκ `νϫε `φνουϯ φωι ουοϩ αϥ`ςμου ὲροκ `μπι`ςμου `ντε `τφε `μ`πϣωι νεμ ου`ςμου `ντε πικαϩι ευϩιωτϥ `νϫε ϩωβ νιβεν εθβε πι`ςμου `ντε ϩανμνοϯ νεμ ουοϯ.
Genesis 49:26 ϩαν`ςμου `ντε πεκιωτ νεμ τεκμαυ αϥϫεμνομϯ ὲϫεν νι`ςμου `ντε ϩανκαλαμφο `νὲνεϩ ευὲϣωπι ὲϫεν `τὰφε `νιωςηφ νεμ ὲϫεν `τςωουϩι `νϫωου `ννεϥ`ςνηου νη ὲταϥϭιμωιτ νωου.
Genesis 49:27 βενιαμιν πιουωνϣ `νρεϥϩωλεμ `τοουὶ εϥὲουωμ ὲτι ουοϩ ρουϩι εϥὲϯ `ϧρε.
Genesis 49:28 ναι τηρου νενϣηρι `νιακωβ 12. νε ουοϩ ναι νε νη ὲταϥςαϫι `μμωου `νϫε πουιωτ νωου ουοϩ αϥ`ςμου ὲρωου `φουαι `φουαι κατα πι`ςμου ὲταϥ`ςμου ὲρωου `μμοϥ.
Genesis 49:29 ουοϩ πεϫαϥ νωου ϫε ὰνοκ ςεναχατ ϧατεν παλαος θομςτ νεμ ναιοϯ ϧεν πι`μϩαυ φη ετχη ϧεν πιιòϩι `ντε εφρων πιΧεττεος.
Genesis 49:3 ϧεν πι`μϩαυ ὲτοι `νδιπλουν φη ετχη `μπε`μθο `μμαμβρη ϧεν `πκαϩι `νΧανααν πι`μϩαυ ὲτα αβρααμ ϣοπϥ `ντοτϥ `νεφρων πιΧεττεος ϧεν ου`κτηςις `νεμϩαυ.
Genesis 49:31 ὲταυθεμς αβρααμ `μμαυ νεμ ςαρρα τεϥ`ςϩιμι ὲταυθεμς ιςαακ `μμαυ νεμ ρεβεκκα τεϥ`ςϩιμι ὲταυθεμς λια `μμαυ.
Genesis 49:32 `ν`ϧρηι ϧεν ϯ`κτηςις `ντε πιιòϩι νεμ πι`μϩαυ ὲτε `ν`ϧητϥ `ντε νεν`ϧροϯ `νΧετ.
Genesis 49:33 ουοϩ αϥουω `νϫε ιακωβ εϥουαϩςαϩνι `ννεϥϣηρι ουοϩ αϥϥαι `ννεϥϭαλαυϫ `νϫε ιακωβ ὲϫεν πιϭλοϫ αϥμουνκ ουοϩ αυχαϥ ϧατεν πεϥλαος.